課程簡介
啥麼人適合來修這門課？ （1）會曉講台語（聽有嘛會曉講）啊毋閣無機會講台語的人； （2）想要用台語共病人阿是共醫生溝通的人； （3）想要了解醫生愛按怎用台語共病人溝通的人。 你會學著啥麼？ （1）增強你台語的聽力； （2）培養你講台語的勇氣共習慣； （3）熟識用台語表達醫學每一科常常使用著的醫療辭彙； （4）用台語練習問診的各種溝通技巧； （5）為年長者衛生教育的溝通技巧﹔ （6）熟識台語的聲調共羅馬拼音； 上課的方式是按怎?上課的過程老師會完全用台語來表達，主要是創造一欸「用台語思考、用台語表達」的環境。上課過程“用台語表達家己的想法”是學生的主要任務。老師的任務是設計台語口語共溝通技巧的活動予學生做練習，所以學生上課講台語的機會會比老師較濟，也因此“來上課”“講台語”學期成績尚高。
課程教師
蔡美慧 教授
